ТОШКЕНТ, 17 авг – Sputnik. Ўзбекистон Республикасининг ялпи олтин – валюта заҳиралари 2018 йилнинг 347 миллион долларга камайди (1 август ҳолатида), деб хабар қилди Марказий банк матбуот хизмати.
“Жорий йилнинг июль ойида ялпи олтин-валюта захираларининг 270,6 млн. АҚШ долларига пасайиши кузатилди. Мазкур ҳолат ҳисобот даврида асосан олтин нархининг 1250,55 дан 1219,20 долл./тр.унцияга пасайиши ҳисобига юзага келди”, - дейилган расмий хабарда.
Шунингдек, Марказий банк Ўзбекистон ялпи олтин-валюта захираларининг охирги икки йил давомида ўзгариши ҳақида қуйидаги статистик маълумотларни ҳам эълон қилган:
| Сана | 01.01.2017 | 01.01.2018 | 01.04.2018 | 01.07.2018 | 01.08.2018 |
| Млн. $ | 26 428,8 | 28 076,9 | 28 494,0 | 27 660,5 | 27 389,9 |
Эслатиб ўтамиз, “Ўзбекистон Республикасининг Марказий банки тўғрисида”ги Қонунга мувофиқ, Марказий банкнинг асосий вазифаларидан бири сифатида республика олтин-валюта захираларини сақлаш ва бошқариш белгиланган.
Олтин-валюта захираларини ҳисоблаш методикаси Халқаро валюта жамғармасининг стандартлари асосида юритилади. Олтин-валюта захираларининг таркиби хорижий валюта активлари ва қуйма шаклидаги монетар олтиндан иборат.