ТОШКЕНТ, 24 июн — Sputnik. Равшан Эрматов бошчилигидаги ҳакамлар гуруҳи Жаҳон чемпионатида Испания ва Марокко терма жамоалари ўйинини бошқаради, деб хабар қилмоқда ФИФА матбуот хизмати.
“В” гуруҳи ўйини Калининградда 25 июнь куни бўлиб ўтади. Ўйин Москва вақти билан 20:00 да бошланади.
“Эрматовга унинг ҳамюртлари Абдухамидулло Расулов ва Джахонгир Саидовлар ёрдам беради. Тўртинчи рефери этиб БААлик Мохаммед Абдулла Мохамед тайинланди, заҳирадаги рефери эса — Мохамед Аль-Хаммади(БАА)”, — дейилган хабарда.
Эслатиб ўтамиз, бу ЖЧ-2018 Равшан Эрматов бош ҳакам бўлган иккинчи ўйин бўлади. Эрматов бошқарувида биринчи ўйин 21 июнь куни Аргентина ва Хорватия жмоалари орасида бўлиб ўтган эди.