ТОШКЕНТ, 23 июн — Sputnik. Россиянинг етакчи клублари Тошкент вилоятининг Олмалиқ шаҳрида туғилган, Германиянинг "Ганновер-96" клуби ҳимоячиси Антон Вальдемарга қизиқмоқда. Бу ҳақда Bild нашри хабар берди.
Унга ЦСКА, "Спартак", "Зенит" ва "Локомотив" клублари қизиқиш билдирган. Бу маълумотни 21 ёшли ўйинчининг агенти Рене Нойнекер тасдиқлади.
Манбанинг таъкидлашича, Россия клублари Вальдемарга ҳозирги маошидан икки баравар кўп маош таклиф қилган. Аммо ҳимоячи бу таклифларни қабул қилишга шошилмаяпти.
Ушбу мавсумда футболчи 29 ўйинда майдонга тушиб, битта гол урган. Унинг немис клуби билан шартномаси 2021 йилгача амал қилади.