ТОШКЕНТ, 5 июн – Sputnik. “Озарбайжон ҳаво йўллари” авиакомпанияси Бокудан Тошкентга тўғридан-тўғри парвозларни амалга оширишни бошлайди. Бу ҳақда компания матбуот хизмати хабар берди.
“2018 йилнинг 30 июнидан “Озарбайжон ҳаво йўллари” (AZAL) Бокудан Ўзбекистон пойтахти Тошкентга тўғридан-тўғри парвозларни ташкил этади”, - дейилади хабарда.
Парвозлар ҳафтада бир марта (шанба кунлари), 1 августдан бошлаб эса ҳафтада икки марта (чоршанба ва шанба кунлари) амалга оширилади.
“Ўзбекистон пойтахти – “зумрад билан безатилган” парклар, хиёбонлар, боғлар ҳамда биллур ипга тизилган фавворалардан иборат улкан мегаполис”, - дейилади хабарга қўшимча равишда.