ТОШКЕНТ, 29 май — Sputnik, Дилшода Раҳматова. Шанхай Ҳамкорлик Ташкилотининг 18-саммити Хитойнинг порт-шаҳри Циндаода 9-10 июнь кунлари ўтказилади. Бу ҳақда Хитой Халқ Республикасининг Ўзбекистондаги элчиси Цзянь Янь 29 май куни Тошкентда бўлиб ўтган брифинг давомида маълум қилди.
Цзянь Янь хоним, шунингдек, ўз чиқиши давомида Циндаода бўлиб ўтадиган йирик тадбир тафсилотлари ҳақида тўхталди.
Элчининг айтишича, олий даражада бўлиб ўтадиган учрашувда ташкилотга аъзо саккиз мамлакат етакчилари тўпланишади. Шунингдек саммитда кузатувчи-мамлакатлар мақомига эга тўрт давлат раҳбарлари, БМТ ва халқато ташкилотлар вакиллари иштироки кутилмоқда.
ХХР Раиси Си Цзинпин тантанали қабул маросимини уюштиради, шунингдек меҳмонлар шарафика фейерверкли чироқлар шоуси ўтказилади", — деди элчи.
"Бу мамлакатларда сайёрамизнинг ярим аҳолиси истиқомат қилади, ушбу мамлакатлар глобал ЯИМнинг 20%ини таъминлайди", — деб таъкидлаб ўтилди брифинг давомида.
Саммит давомида минтақавий хавфсизлик ва савдо-иқтисодий ҳамкорликни ривожлантириш масалалари муҳокама этилади.
"Шанхай саккизлиги" учрашуви якуни бўйича 20га яқин ҳужжатлар имзоланиши кутилмоқда. Хусусан, узоқ муддатли яхши қўшничилик, дўстлик ва кейинги беш йил давомида ҳамкорлик Келишуви низомини ҳаётга татбиқ этиш шулар жумласидандир.
Саммитнинг асосий ҳужжати Циндао декларацияси бўлиши кутилмоқда. Бу ҳужжатда ШҲТ аъзо-мамлакатлари ўзининг минтақалаги ҳолат бўйича сўнгги қарорини муҳрлайдилар. Шунингдек, саммит доирасида кўплаб иккиёқлама учрашувлар, тор ва кенг доирадаги учрашувлар бўлиши, ушбу учрашувлар якуни бўйича ҳам кўпгина ҳужжатлар қабул қилиниши кутилмоқда.