ТОШКЕНТ, 29 май – Sputnik. “Ўзбекистон ҳаво йўллари” Миллий авиакомпанияси 3 июндан 8 сентябрга қадар Тошкент-Нью-Йорк-Тошкент йўналиши бўйича эконом класс учун минимал тарифларни пасайтиради. Бу ҳақда МАК матбуот хизмати хабар берди.
Хабарда айтилишича, бир томонга парвоз қилиш нархи 430 EUR (4 037 924 сўм), бориш-қайтиш 829 EUR (7 788 863 сўм)ни ташкил этади.
Авиачипталар учун тўлов сотиб олинаётган кундаги Ўзбекистон Республикаси Марказий банкининг курси бўйича сўмда амалга оширилади.