ТОШКЕНТ, 23 май — Sputnik. Тожикистон Ички ишлар вазири Ўзбекистонга ташриф буюрди, деб хабар қилди Ўзбекистон ИИВ матбуот-хизмати.
"Бугун Тожикистон Республикаси Ички ишлар вазирлиги делегацияси Ўзбекистонга келди. Айни дамда ташриф доирасида "Hayatt Regency Tashkent" меҳмонхонасининг конференциялар залида Ўзбекистон Республикаси Ички ишлар вазири генерал-майор Пўлат Бобожонов ва Тожикистон Республикаси Ички ишлар вазири милиция генерал-полковниги Рамазон Хамро Рахимзода билан расмий учрашув бўлиб ўтмоқда", — дейилади хабарда.
Таъкидланишича, учрашувда терроризм, экстремизмнинг турли кўринишлари, трансмиллий уюшган жиноятчилик, ноқонуний миграция, одам савдосига қарши курашиш, тезкор ахборот алмашишни фаоллаштириш юзасидан ўзаро манфаатли ҳамкорлик қилиш масалалари муҳокама қилиниши режалаштирилган.