ТОШКЕНТ, 26 апр — Sputnik. Тошкент шаҳри ҳокими лавозимида ишлаб келган Раҳмонбек Усмонов Ўзбекистон автомобиль транспорти агентлиги бошлиғининг биринчи ўринбосари лавозимига тайинланди, деб хабар берди маҳаллий ОАВ.
Ҳозирча Тошкент шаҳрига ким янги ҳоким этиб тайинлангани ҳақида маълумот йўқ.
Раҳмонбек Усмонов 2011 йил февралдан 2012 йил мартгача Тошкент шаҳри ҳокими вазифасини бажарувчи, сўнгра ҳоким лавозимида ишлаб келган.
2005-2011 йилларда Тошкент шаҳар ҳокимининг капитал қурилиш, коммунал хўжалиги, ободонлаштириш, саноат ва тадбиркорлик масалалари бўйича биринчи ўринбосари, 2001-2005 йилларда Мирзо Улуғбек тумани ҳокимининг биринчи ўринбосари ва Яккасарой тумани ҳокими сифатида фаолият кўрсатган.