ТОШКЕНТ, 22 апр — Sputnik. Тошкентда автомобил транспорти оқимини енгиллаштириш мақсадида яна 22та эстакада қуриш режалаштирилган деб, хабар қилмоқда Sputnik мухбири.
Бу ҳақида журналистларга Тошкент шаҳар ИИББ Йўл ҳаракати хавфсизлиги бошқармаси бошлиғи Барат Маменов хабар қилди.
“Қурилган йўл ўтказгичлар туфайли Тошкент шаҳридаги ҳаракат мураккаб бўлган жойларда тирбандлик пайдо бўлмаяпти. Охирги вақтда учта ана шундай эстакада қурилган эди. Айни дамда Бунёдкор ва Чўпонота чорраҳасида йўл ўтказгич қурилмоқда. Ушбу ижобий тажрибани ҳисобга олган ҳолда, биз яна 22та транспорт тугунлари қуриш ҳақида таклиф киритдик”, — деди Маменов.
ЙҲХБ раҳбари янги транспорт инфрақурилма объектлари шаҳарнинг айнан қайси чорраҳаларида қурилишини кейинроқ хабар қилишга ваъда берди.