ТОШКЕНТ, 6 апр — Sputnik. Украинанинг МДҲдан чиқиши борасида ҳеч қандай ҳужжатлар келиб тушмаган, деди жума куни журналистларга МДҲ Ижроия қўмитаси раҳбарининг биринчи ўринбосари Виктор Гуминский, деб хабар қилмоқда РИА Новости.
"Украинанинг Мустақил Давлатлар Ҳамдўстлигидан чиқиши борасида бугунги кунда ҳеч қандай ҳужжат ижроия қўмитасида йўқ", — деди Гуминский.
Илгарироқ Украина ТИВ мамлакатнинг МДҲдан чиқиши ва Россия билан дўстлик, ҳамкорлик ва шериклик шартномасини бекор қилиши ҳақидаги таклифларни тайёрлаб қўйган эди.