ТОШКЕНТ, 6 апр — Sputnik. Ўзбекистон Республикаси Ташқи ишлар вазирлиги тузилмасида қатор бошқармалар ташкил этилади. Бу ҳақда Ўзбекистон президенти томонидан имзоланган Ўзбекистон Республикаси Ташқи ишлар вазирлиги тизимини тубдан такомиллаштириш тўғрисидаги Фармонда айтиб ўтилган.
а) Ташқи иқтисодий ҳамкорлик бош бошқармаси ва унинг тузилмасига кирувчи:
Хорижий инвестициялар ва молиявий-техникавий кўмак воситаларини жалб қилиш бошқармаси;
Экспорт ва ташқи савдо алоқаларини ривожлантириш бошқармаси;
Ҳукуматлараро комиссиялар фаолиятини мувофиқлаштириш бошқармаси;
Туризмни ривожлантириш соҳасидаги халқаро ҳамкорлик бошқармаси;
б) Ташқи ишлар вазирлиги Матбуот хизмати негизида Жамоатчилик ва оммавий ахборот воситалари билан алоқалар бошқармаси;
в) Консуллик бошқармаси негизида Консуллик-ҳуқуқ департаменти;
д) Жисмоний ва юридик шахсларнинг мурожаатлари билан ишлаш бўлими ва унинг таркибида Мурожаатларни қабул қилиш сектори (колл-центр);
е) Дипломатик сервис хизмати негизида Дипломатик корпусга хизмат кўрсатиш бюроси;
ж) "Жаҳон" ахборот агентлиги негизида "Дунё" ахборот агентлиги ва Медиа-марказ;
з) Таржимонлар бюроси;
и) Халқаро муносабатлар ахборот-таҳлил маркази негизида Таҳлил ва прогнозлаштириш маркази;
к) Ташқи ишлар вазирлигининг Қорақалпоғистон Республикаси ва вилоятлардаги ҳудудий бўлимлари ташкил этилади.