ТОШКЕНТ, 12 мар — Sputnik. Ўзбекистон инвестиция давлат қўмитаси ва Халқаро ислом савдо-молиявий корпорация (ITFC — Ислом тараққиёт банки тузилмасига киради) 100 миллион доллар кредит тақдим этиш бўйича шартнома имзолашди, деб хабар қилди РИА Новости ушбу қўмита матбуот хизматига таянган ҳолда.
"Шартнома доирасида ITFC Ўзбекистон компанияларига икки йил давомида 100 миллион долларлик қисқа муддатли кредитлар берилади", — деб таъкидлади суҳбатдош.
Ислом ҳамкорлик ташкилотига аъзо бўлган давлатлар билан савдо-молиявий соҳасини қўллаб-қувватлаш мақсадида кредит маблағлари йўналтирилади.
"Ушбу шартнома ислом давлатлари Ўзбекистон кичик ва ўрта бизнес шартномалари учун молиявий-савдо ресурларидан фойдаланиш имконини беради", — деб қўшимча қилишди қўмитада.
2003 йилда Ўзбекистон Ислом тараққиёт банки аъзоси бўлди. Ўзбекистон томони маълумотларига кўра, бугунги кунда банк республикага соғлиқни сақлаш, таълим, ирригация ва мелиорация, энергетика, сув таъминоти, коммунал хўжалик, йўл инфратузилмасини ривожлантириш, кичик ишбилармонликни қўллаб-қувватлаш бўйича 26 та лойиҳа учун 1,4 миллиард доллар ажратди.