ТОШКЕНТ, 7 фев – Sputnik. Ўзбекистон Футбол ассоциацияси матбуот хизмати айрим ОАВларда Ўзбекистон U-23 терма жамоаси бош мураббийи Равшан Ҳайдаров Ўзбекистон миллий терма жамоасини ҳам бошқариши ҳақида берган хабарни тасдиқламади.
"Равшан Ҳайдаров Ўзбекистон U-23 терма жамоаси бош мураббийи ҳисобланади. Ўзбекистон терма жамоаси мураббийи борасидаги ҳар қандай хабар сайтимизда расман чоп этилади", деб маълум қилди ЎФФ матбуот хизмати.
Аввалроқ Ўзбекистон Футбол ассоциацияси матбуот хизмати терма жамоа мураббийи бўйича музокараларнинг якуний босқичи кетаётганлигини, агар у муваффақиятли якунланса, янги мураббий номини февраль охирида эълон қилиш режалаштирилганлигини айтганди.