ТОШКЕНТ, 25 янв — Sputnik. Шу кунларда Тошкент шаҳар Юнусобод туманида инсон ўлимига олиб келган йўл транспорт ҳодисаси содир бўлди, деб хабар қилди Sputnik мухбири.
"2018 йил 22 январь куни, Юнусобод тумани, Мойқўрғон кўчасида жойлашган "Шифо-нур" тиббиёт маркази қаршисида, "BMW" русумли автоулов ҳайдовчиси маст ҳолатда, руль бошқарувини йўқотиб, йўл четидаги дарахтга урилган", — дейилган ИИББ хабарида.
Мазкур ҳолат юзасидан Юнусобод тумани ИИБ ҳузуридаги Тергов бўлими томонидан Ўзбекистон ЖКнинг 266-моддаси 2-қисми (транспорт воситасини бошқарувчи шахс томонидан транспорт воситалари ҳаракати ва улардан фойдаланиш хавфсизлиги қоидаларини бузиш, одам ўлишига сабаб бўлса) аломатлари билан жиноят иш қўзғатилган.