ТОШКЕНТ, 7 янв – Sputnik. Тошкент вилоятига ташрифи чоғида Ўзбекистон президенти Шавкат Мирзиёев Тошкент вилояти прокурори ва ИИБ бошлиғини лавозимидан озод қилди. Бу ҳақда uznews.uz хабар берди.
Ўтган йилнинг кузида Тошкент вилояти прокурори лавозимини эгаллаган Улуғбек Суннатов масъулиятсизлиги, вазифасига нисбатан совуққонлиги ва ишда йўл қўйган хато-камчиликлари учун эгаллаб турган лавозимидан озод этилди.
Тошкент вилояти ИИБ бошлиғи Саидкарим Нишонбоев ҳам ана шундай сабаблар билан лавозимидан бўшатилди.
"Тўртта раҳбар нима қилиб юрибди? Одамларнинг ишончини қозонишимиз керак, президентнинг эмас. Менга ёқиши керак эмас, одамларга ёқиши керак", деди президент.