ТОШКЕНТ, 6 янв — Sputnik. Асаджон Хўжаев Ислом Каримов илмий-маърифий мажмуаси раҳбарининг биринчи ўринбосари этиб тайинланди, деб хабар қилди Спутник Ўзбекистон мухбири.
Асаджон Хўжаев 1970 йилда туғилган. Тошкент электротехника алоқа институти ва Президент ҳузуридаги давлат қурилиши академиясини тамомлаган. Мутахассислиги бўйича электралоқа муҳандиси, иқтисод магистри.
Охирги пайтларда Ўзбекистон Президенти давлат маслаҳатчиси ўринбосари — Президент матбуот хизмати раҳбари бўлиб ишлаётганди. Ундан олдин — 2012-2017 йилларда Алишер Навоий номидаги Миллий кутубхона директори сифатида фаолият юритган.